معاملة الأمهات بيطريا

معاملة الأمهات بيطريا

من طرف NourStar  |  نشر في :  5:22 م 0

كتير من الناس بتسال وعايزين يعرفوا ازاي اعمل الام بيطريا والمشكله ان فيه ناس معتقدين ان الام لا تصلح ان تكون بدون معاملتها بيطريا بالعديد من الادويه والطريقه معامله الام تكون كلاتي :

1_ قبل الولاده بيوم اي في اليوم 29 او 30 تحقن الام 5سم او 10 سم جلكوز بشري 5% ده سعره 3.5 جنيه من الصيدليه البشري لان الام في الفتره دي اصلا بتكون شبه ممتنعه عن الاكل وكمان لتعويض الطاقه المفقوده نتيجه الولاده
2_ بعد الولاده وليكن مثلا 5 ساعات بعد ما تتاكد من نزول كل الاجنه تقوم باعطاء الام 1سم مضاد حيوي جنتاميسين 10% وذلك للوقايه من التهاب الضرع او التهاب الرحم
3_ جرعه الايفوماك الوقائيه ودي بقي وقتها بيكون قبل او بعد التلقيح 4 او 5 ايام وكل واحد المفروض يكون عارف حاله الامهات عنده ممكن واحد يكون عارف ومتاكد ان الامهات عنده نظيفه ونادرا ما تصاب بالجرب يبقي من الممكن انك تفوت شهر يعني مش لازم كل شهر جرعه الايفوماك ولكنها مهمه للغايه
فيه بقي ناس بتقول ان ىلكالسيوم ضروري ولازم ومن احتياجات الام الاساسيه انا سالت دكتور في الموضوع ده وقال لا يوجد ما يثبت من احتياج الام للكالسيوم ولكن من الممكن حقن الام من فنره للتانيه علي فترات متباعده وليكن مثلا 1سم او 2 سم شهريا مع العلم ان زي ما انا مسبقا لا يوجد ما يثبت احتياج الارانب للكالسيوم بشكل دائم‬